三式蕃茄凍湯

材料：
意大利羅馬茄3個、意大利車厘菇8粒、本地蕃茄2個、紅辣椒半個、青瓜片12片、九牙菜80g、紅葉生菜60g、香草少量、水300ml

調味：
砂糖1茶匙、意大利甜醋2湯匙

做法：

1. 將所有蕃茄用熱水浸半分鐘，去皮，將紅辣椒切粒備用。
2. 香草葉加入300ml水中浸10分鐘，稍後撈起香草，水留起備用。
3. 混合蕃茄、紅椒粒、浸過香草的清水，加以糖和醋一起攪拌，直至完全攪碎，放入雪櫃雪約半小時。
4. 用3片青瓜捲成圈狀放在紅葉生菜，最後倒入蕃茄湯即成。

備註：

• 蕃茄用熱水稍浸後，去皮會更容易，浸半分鐘就夠。
• 車厘茄較甜，羅馬茄清香但較腍，本地茄味道較濃，可依個人口味調校各種份量。
• 九芽菜和紅葉生菜是做沙律常用的蔬菜。
• 如果你鍾意冰咁凍的凍湯，可以將預先雪成冰的塑膠生果冰粒加進湯中，冰粒洗乾淨即可循環再用，加入凍飲一樣得。想即製即飲冰涼凍湯，就可以用冰代替清水來攪拌，攪拌好的湯夠晒冰涼，唔使雪都可以即刻飲！

功效：
蕃茄湯甜甜酸酸，涼冰冰的，特別醒神開胃。